DAHIKEN NGGABE BAGESA

ti tipang-tipang tingtang
gelah jore petingtang
i ja i tuang


lit ka je gabe-gabe mumbang
idahiken si sada la iakap nahang
tapi ula si cari imbang
gelah sampang enda ula rontang


i jenda kita tumbung
si orat-oraten gelah i sambung
gelah ate ula puntung
palu gendang gelah nggo dung !


Tawan, 19 Januari 2012

SIMALUNGEN RAJA

http://www.youtube.com/watch?v=iaua2wlIgZI


alunan nada itu
bagai memaksa batu di belah
dalam peluh dan gugup
tiada hatiku mencapai
tiada sampai


alunan itu,


di mana bukit-bukit!
ingin hati lari sembunyi
merepuh dalam getar jemari


sarune, kulcapi, penganak, gong, murbab, baluat,keteng-keteng
bawa daku pergi
dari hati yang sunyi




Tawan, 14 Januari 2012

NGGO MBERNUS TURANG JANDINTA NDUBE

nggo mbernus turang jandinta ndube
enggo me mosar pudunta si nai
la nai banci irakut perban gel gel nari
pusuhku tading geruah


gundari nari mama nangin
nggo retap kita duana
pesirang nggeluh si sada-sada


em la kutebeng kai atendu
labo megogo nande biring enda
perban melayas ate Dibata nandangi ia


malemmin pusuhndu
senanglah geluhndu
pasu-pasu Dibatalah kena
i jenda mejuah-juahnge kegeluhen kami, turang



Tawan, 13 Januari 2012

SENTABI (perbaruan dari Tembil Ula Tembe)

bicara tembil erbahanca kam nembeh me sayang
uga nari jelma banci nggeluh la ertembil


perban tembil me erbahanca tembe
gelah jalap kita duana
la erdua ayo adi kita nuriken pusuh
si la mejal jal


jangin-janginku lenga jalir
awih-awihndu turang nggahgahi
bagi ndukur la teh na mulih ku karang
bage gia gundari pusuhku lumedak


sentabi biringndu seh kuuruk-uruk
gelah tembil la erbahanca tembeh-tembeh
man bandu, keleng ateku



// syair ini pernah ditulis namun sedikit ada perubahan agar lebih memuat sebagai syair untuk lagu.

TEMBIL ULA TEMBE

BICARA tembil erbahanca nembeh, turang
uga banci jelma la ertembil?


perban tembil me maka tembe
la lit tembil la lit tembe la lit petembeken


jangin-janginku lenga jalir
awih-awihndu nggahgahi


bagi perik kabang huyak la teh na mulih ku karang
bage gundari Tawan lumedak


sentabi Tawan seh kuuruk-uruk
i oge iperdiateken kata persentabin


gelah tembil la erbahanca tembeh-tembeh
man kena sindauh, kekelengen ate


Tawan, 4 Januari 2011

ADI KITA NGGELUH

Adi kita nggeluh siangkan ari teman
nggeluh nibaba tambah kelengna


Adi ngerana kita simbegi ari teman
jore kerina pusuh tendinta


Adi erdahin tutuslah ate ari teman
gelahna jayo ulih latihta


jolam-jolam ari teman
mejolam-jolam


jole-jole ari teman
jole-joleken


mejingkat kita kerina
gelah njojoken


njojoken geluh ni senang
datna pasu-pasu Dibata
datna pasu-pasu Dibata


mejuah-juah kerina si sada karang... ('rsurak....!)

KERI TENGGULI

nade,
jumpa kita
la nggabe
liwun anak singuda


nade,
timaindu kata
erpala-pala


nade,
ersora ndube
gelah nengen ate


gundari,
nggo keri tengguli
tading mesui


gundari,
la banci sumekah
tedeh cebuni
enggo ermengkah



Tawan, 21 Desember 2011